“ადგილობრივი ინიციატივა” არის თანამშრომლობის ფორმა, ადგილობრივ ხელისუფლებასა და მოსახლეობას შორის, რომელიც საშუალებას იძლევა, შესრულდეს საზოგადოებრივი „დაკვეთა“ თემის საკეთილდღეოდ.
“ადგილობრივი ინიციატივის” დროს შეთავაზება მოდის უშუალოდ მოქალაქეებიდან, დასახლებებიდან, სამეზობლოდან და ამხანაგობებიდან, თუ რა საკითხი (პრობლემა) უნდა იქნას მოგვარებული და მოსახლეობა თავადაც მონაწილეობს ამ პრობლემის მოგვარებაში. მისი წვლილი გამოიხატება როგორც ფიზიკური შრომით, ასევე ფულადი სახსრებით ან მასალებით.
ციტატა – „თუ თქვენ, თქვენს მეზობლებს, ან მეგობრებს გაქვთ რაიმე იდეა კონკრეტულ საკითხთან დაკავშირებით, რომელიც მნიშვნელოვანია თქვენთვის და თქვენი თემისთვის, შეგიძლიათ განაცხადი შეიტანოთ მერიაში, რათა ეს იდეა ერთობლივად მოიყვანოთ სისრულეში“ – სახელმძღვანელო აქტიური მოქალაქეებისთვის. ვარშავა, 2016 წ.
”განადგურებული გაზონების ადგილას მოსახლეობამ დარგო ყვავილები, ბუჩქები და ხეები, რომლებიც სხვადასხვა სეზონზე ყვავის. შეიქმნა ორი ახალი გამწვანებული ადგილი; ადგილები, სადაც შეგიძლიათ დასხდეთ ახალ სკამებზე და დაისვენოთ. ერთობლივი მუშაობის წყალობით, ჩვენ შევცვალეთ არა მხოლოდ ჩვენი გარემო, არამედ ასევე ურთიერთობები თემის შიგნით”.
იმიტომ, რომ ეს არის თანამშრომლობის ფორმა ადგილობრივ ხელისუფლებასა და მოსახლეობას შორის. მერიის დახმარებით მაცხოვრებლები ანხორციელებენ თავიანთ იდეებს თემის საკეთილდღეოდ. რაც უფრო აქტიურად არიან ჩართულნი მოქალაქეები, მით უფრო ძლიერია მუნიციპალიტეტი.
პროექტის წარდგენა შეუძლია ადგილობრივ მაცხოვრებლებს (მინიმუმ ორს) ან ორგანიზაციას.
შესაძლებელია ყველა დასახლებულ პუნქტში (ქალაქი, რაიონული ცენტრი, სოფელი, დაბა თუ სხვა). მთავარია, ინიციატივა მოდიოდეს მოსახლეობიდან. ის უკვე განხორციელდა ხულოში, შუახევში, ქედასა და ხელვაჩაურის მუნიციპალიტეტებში.
,,ადგილობრივი ინიციატივა’’ მოსახლეობის გადაწყვეტილებაა. ისინი ახდენენ პრობლემის იდენტიფიცირებას ადგილზე და ადგილობრივ თვითმმართველობასთან ერთად მუშაობენ მის აღმოფხვრაზე.
“ადგილობრივი ინიციატივის” დროს მერია არ გადასცემს ფულად სახსრებს, ის მხარს უჭერს ამოცანების შესრულებას ორგანიზაციული ან ინიციატივის განსახორციელებლად საჭირო სერვისების ან / და მასალების შეძენის გზით. თანხის მოძიება შესაძლებელია მაგ.: ბიზნესიდან. მოსახლეობას აგრეთვე შეუძლია თავისი წვლილი შეიტანოს და თანადაფინანსების სახით ჩადოს სხვადასხვა, მათ ხელთ არსებული რესურსი, როგორც მატერიალური, ასევე ფიზიკური (მაგ.: მუშახელი).
ოფიციალური პირები აფასებენ “ადგილობრივი ინიციატივის” ფარგლებში წარდგენილ პროექტს წინასწარ დადგენილი კრიტერიუმების მიხედვით.
“ადგილობრივი ინიციატივა” არის კანონიერი პროცესი. თვითმმართველობის განხორციელებაში მოქალაქეთა მონაწილეობის სამართლებრივი ნორმები გაწერილია საქართველოს ზოგად ადმინისტრაციულ კოდექსში და გამყარებულია საქართველოს ორგანული კანონით ადგილობრივი თვითმმართველობის შესახებ, ხოლო დამატებითი მექანიზმები მოცემულია საკრებულოს დებულებებით (რეგლამენტებით).
“ადგილობრივი ინიციატივის” “ამუშავება” შესაძლებელია ნებისმიერი თანხით, რომელიც დამოკიდებულია დასახლების არსებულ შესაძლებლობებზე და მაცხოვრებლების მიერ შეტანილ წვლილზე. ფულადი სახსრები მოსახლეობის თანამონაწილეობის ფარგლებში ჩანაცვლებულია ფიზიკური შრომით, მასალითა თუ სხვა რესურსით.
განაცხადის წარდგენა შესაძლებელია ნებისმიერ დროს მთელი წლის განმავლობაში.
კანონმდებლობით ვადები გაწერილი არ არის. საერთაშორისო და ქართული პრაქტიკიდან გამომდინარე უმეტესად ხორციელდება მოცემული წლის ბოლომდე.
გარე სწავლებისა და ჩართულობის შესაძლებლობები – გაიგეთ მეტი “პარტიციპაციის აკადემიის” შესახებ
