ქართული ფეხბურთის მუზეუმი

ამოცანები:  ჩვენი ინიციატივითა და ჩართულობით ქალაქ ფოთის მუნიციპალიტეტში იგეგმება მოეწყოს „ქართული ფეხბურთის მუზეუმი“, რომელიც უნდა განხორციელდეს ღია ცის ქვეშ და პარალელურად შეითავსებს სკვერის ფუნქციას. აღნიშნულიდან გამომდინარე, ჩვენი მიზანია ,, ქალაქისთვის მოვამზადოთ ზემოხსენებული „ქართული ფეხბურთის მუზეუმის“ პროექტი, გეგმა, ნახაზი და ქალაქს შევთავაზოთ მზაპროექტის სახით.

საპროექტო იდეის / კონცეფციის მოკლე აღწერა:  ვინაიდან ქალაქ ფოთში დაიბადა ქართული ფეხბურთი და გავრცელდა მთელ საქართველოში ვეტერანი სპორტსმენებისა და ადგილობრივი მოსახლეობის ჩართულობით უკვე შერჩეულ სივრცეში იგეგმება სპორტულ-კულტურული სკვერის მოწყობა. ჩვენი საპროექტო იდეა გულისხმობს მომზადდეს „ქართული ფეხბურთის მუზეუმის“, არქიტექტურული პროექტი/ნახაზი. იმისთვის, რომ აღნიშნული ინიციატივა სწრაფად განხორციელდეს მზაპროექტის წარდგენა კარგი წინაპირობა გახდება სამუშაობის დასაწყებად ადგილობრივი ხელისუფლებისთვის. ვფიქრობთ, რომ მზაპროექტის არსებობის შემთხვევაში მოქალაქეებისა და თვითმმართველობის მხრიდან უფრო მეტად გაიზრდება ინტერესი და მოტივაცია ფოთის „ქართული ფეხბურთის მუზეუმის“ მიმართ. ჩვენი ხედვით საპროექტო ნახაზის არსი გამოიხატება შემდეგში, რომ ის უნდა ითვალისწინებდეს და გამოხატავდეს მოსახლეობის მიერ წამოჭრილ საკითხებს, კერძოდ, საფეხბურთო ტრადიციას, მინიატურულ სპორტულ ფიგურებს, მემორიალურ დაფებს, მსუბუქ კონსტრუქციებს, ფილმის „პირველი მერცხალის“ ელემენტებსა (ფოთშია გადაღებული და აღწერს პირველი ფეღბურთის ისტორიას) და სხვას. ამის საფუძველზე აღნიშნული სკვერი შეიძლება ვაქციოთ ტურისტებისათვის მიმზიდველ ადგილად, სადაც ვიზიტორები საინტერესო და ახალ ინფორმაციას მიიღებენ ქალაქის სპორტული ტრადიციის შესახებ.

როგორ იყენებს საპროექტო იდეა /კონცეფცია „მონაწილეობის აკადემიის“ პროცესში მიღებულ ცოდნას:  ოთხივე სესიის მასალები პრაქტიკულად გამოყენებული და ათვისებულია. პირველი სესიიდან ჩრთულობის მექანიზმების გამოყენებით, მოსახლეობის საჭიროებების, მოსაზრებების, წინადადებების შეგროვებისა და მათ საფუძველზე საპროექტი იდეაში მათი ინტეგრაცია. ასევე ადგილობრივ ხელისუფლებასა და მოსახლეობასთან კომუნიკაცია და მედიაცია. მთლიანი სკვერის საბიუჯეტო ხარჯების გამოკვეთა და საპროექტო ნახაზის მომზადების ხარჯები. ამის საფუძველზე საჭიროების იდენტიფიცირება და პროექტის რეალიზაციისთვის მოტივების გამოკვეთა: საჭიროებასთან დაკავშირებული მონაცემების კვლევა, პროექტების სტრუქტურის აღწერა და შესრულება. რაც შეეხება „ქართული ფეხბურთის მუზეუმის“ სამოქალაქო იდეას, აღსანიშნავია, რომ მონაწილეობის აკადემიის სესიების მიმდინარეობისას, თავისუფალი შეხვედრების დროს დამუშავდა.

როგორ უზრუნველყოფთ, რომ პროექტი იყოს მრავალ-სექტორული:  მრავალსექტორულობა უზრუნველყოფილია ქალაქ ფოთის საფეხბურთო სპორტის ვეტერანი საზოგადოების, სამოქალაქო სექტორისა და ხელისუფლების ურთიერთთანამშრომლობით, რომლის ფაქტობრივი შედეგიც უკვე არის ამ ტიპის აქტივობის წამოწყება. კერძოდ, აქ იგულისხმება იდეის მოწოდება საფეხბურთო სპორტის ვეტერანებისგან, შემდგომ საზოგადოებაში ამ საკითხის არაფორმალური პოპულარიზაცია და ამის საფუძველზე ადგილობრივ ხელისფულებასთან აქტიური კომუნიკაცია.